Ick will Fräden!
Oewerall, hier un hüt,
Wiel ick noch beläwt hew,
Wat Krieg bedüht.
Ick seih noch Panzer
Un Lieken up Straten,
Ok väl Ruinen,
Von Minschen verlaten.
Hür noch Sirenen,
Dat Bombergedrön,
Ein Mudder schriegen,
Dotschaten ehr Söhn!
Nähmt all‘ Kriegsdriewers
Dei Macht ut ehr Hänn!
Süss nümmt up uns‘ Ierd
Dat Murden kein Enn!
Ick will Fräden!
Oewerall, hier un hüt,
Wiel ick noch sihr gaut weit,
Wat Krieg bedüht.
Wolfgang Mahnke