De nie(jiri)gen Nåwers

Bi uns in'n Carree sünd vorrig Woch niege Nåwers intreckt. Nich bi uns in't Hus, sünnern gägenœwer von unsern Balkon. Nu können de piel in uns Kœk kieken un wi in ehrs. Wi seihn, wo oft sei sik ne Pizza in'n Åben schuwen un ob sei Besäuk hebbn. Un sei seihn, wenn wi mål wedder de Wäsch uphangen un ob de Afwasch von gistern Åbend noch steiht. Dor mœt ik an denken, wie dat bi miene Öllern up'n Dörp is. Dor ståhn de Hüser wieder utnein un keinein kann ein in't Finster kieken. Åwer weiten, wat't gistern tau'n Meddag gäw un ob de Afwasch noch steiht, dauns ok. Un mennichmal weiten de Nåwers up'n Dörp better Bescheid as de in ne Stadt. Wier dat nich gaut, wenn wi ümmer all so ein up denn annern uppassen würn? Denn künn ok keinein verschütt gåhn. Uns' niege Nåwers hebbn uns al von'n Balkon tauwunken. Villicht låden wi ehr mål up ne Pizza in.

Anne Wendt-Selchow, Rostock, 18.04.2024